BAB NGUSAP DUA KHUF

بَابُ الْمَسْحِ عَلَى الْخُفَّيْنِ

BAB NGUSAP DUA KHUF

عَنْ اَلْمُغِيرَةِ بْنِ شُعْبَةَ رضي الله عنه قَالَ: { كُنْتُ مَعَ اَلنَّبِيِّ صلى الله عليه وسلم فَتَوَضَّأَ, فَأَهْوَيْتُ لِأَنْزِعَ خُفَّيْهِ, فَقَالَ: "دَعْهُمَا, فَإِنِّي أَدْخَلْتُهُمَا طَاهِرَتَيْنِ" فَمَسَحَ عَلَيْهِمَا } مُتَّفَقٌ عَلَيْهِ. وَلِلْأَرْبَعَةِ عَنْهُ إِلَّا النَّسَائِيَّ: { أَنَّ اَلنَّبِيَّ - صلى الله عليه وسلم - مَسَحَ أَعْلَى اَلْخُفِّ وَأَسْفَلَهُ } وَفِي إِسْنَادِهِ ضَعْفٌ.

Ti al-Mughirah bin Syu'bah ra. nyarios, "Sim kuring aya sareng Nabi Saw., lajeng anjeunna wudhu, teras abdi kersa ngaleupaskeun dua khuff (sarung kaki)na. Teras anjeunna Saw. ngadawuh, 'Engkeun eta dua khuff teh, sabab sayaktosna kaula parantos ngalebetkeun eta dina kaayaan suci.' Maka anjeunna Saw. ngusap di luhur eta dua khuff." Hr. Muttaf ‘Alaih. Anapon riwayat opat imam kajabi Imam Nasa’i, yén Nabi Saw. ngusap luhur sareng handapna khuff. Namung, dina sanad hadis ieu aya kalemahan (dlo’if).

وَعَنْ عَلِيٍّ - رضي الله عنه - قَالَ: { لَوْ كَانَ اَلدِّينُ بِالرَّأْيِ لَكَانَ أَسْفَلُ اَلْخُفِّ أَوْلَى بِالْمَسْحِ مِنْ أَعْلَاهُ, وَقَدْ رَأَيْتُ رَسُولَ اَللَّهِ -صلى الله عليه وسلم- يَمْسَحُ عَلَى ظَاهِرِ خُفَّيْهِ } أَخْرَجَهُ أَبُو دَاوُدَ بِإِسْنَادٍ حَسَنٍ.

Ti Ali ra., nyarios, "Saestuna upami agama éta dipasihkeun ku akal logika, pinasti bagéan handap khuff anu langkung merenah diusap tibatan bagéan luhurna. Namung saéstuna, abdi parantos ninggali Rasulullah Saw. ngusap bagéan luhur dua khuffna." Hadis ieu diriwayatkeun ku Abu Dawud kalayan sanad hasan.

وَعَنْ صَفْوَانَ بْنِ عَسَّالٍ - رضي الله عنه - قَالَ: { كَانَ رَسُولُ اَللَّهِ - صلى الله عليه وسلم - يَأْمُرُنَا إِذَا كُنَّا سَفْرًا أَنْ لَا نَنْزِعَ خِفَافَنَا ثَلَاثَةَ أَيَّامٍ وَلَيَالِيَهُنَّ, إِلَّا مِنْ جَنَابَةٍ وَلَكِنْ مِنْ غَائِطٍ, وَبَوْلٍ, وَنَوْمٍ } أَخْرَجَهُ النَّسَائِيُّ, وَاَلتِّرْمِذِيُّ وَاللَّفْظُ لَهُ, وَابْنُ خُزَيْمَةَ وَصَحَّحَاهُ.

Ti Safwan bin ‘Assal ra. nyarios, "Rasulullah Saw. maréntah ka abdi-abdi sakalih sakitu waktos aya dina panyabaan, supados henteu mesék khuff salami tilu dinten sareng tilu wengi, iwal ti alatan junub. Sedengkeun alatan kabeuratan, kahampangan, sareng kulem mah teu kedah dipesék." Hadis ieu diriwayatkeun ku an-Nasa'i, at-Tirmidzi (kalimahna kagungan at-Tirmidzi), sareng Ibnu Khuzaimah, anu duanana nyebatkeun yén hadis ieu sahih.

وَعَنْ عَلِيِّ بْنِ أَبِي طَالِبٍ - رضي الله عنه - قَالَ: { جَعَلَ اَلنَّبِيُّ - صلى الله عليه وسلم - ثَلَاثَةَ أَيَّامٍ وَلَيَالِيَهُنَّ لِلْمُسَافِرِ, وَيَوْمًا وَلَيْلَةً لِلْمُقِيمِ. يَعْنِي: فِي اَلْمَسْحِ عَلَى اَلْخُفَّيْنِ } أَخْرَجَهُ مُسْلِمٌ.

Ti Ali bin Abi Thalib ra. nyarios, "Nabi Saw. parantos netepkeun tilu dinten sareng tilu wengi kanggo anu ngalampahkeun safar (lalampahan), sareng sadinten sawengi pikeun anu mukim (cicing di bumi). Maksadna dina perkawis ngusap khuff (dina waktos wudhu)." Hadis ieu diriwayatkeun ku Imam Muslim.

وَعَنْ ثَوْبَانَ - رضي الله عنه - قَالَ: { بَعَثَ رَسُولُ اَللَّهِ - صلى الله عليه وسلم - سَرِيَّةً, فَأَمَرَهُمْ أَنْ يَمْسَحُوا عَلَى اَلْعَصَائِبِ - يَعْنِي: اَلْعَمَائِمَ -وَالتَّسَاخِينِ- يَعْنِي: اَلْخِفَافَ } رَوَاهُ أَحْمَدُ, وَأَبُو دَاوُدَ, وَصَحَّحَهُ اَلْحَاكِمُ.

Ti Tsawban ra., anjeunna nyarios, "Rasulullah Saw. parantos ngutus hiji pasukan sariyyah, teras anjeunna maréntahkeun ka aranjeunna sangkan ngusap kana 'ashaaib (hartosna: imamah—panutup sirah) sareng 'tasaakhiin' (hartosna: khuff—panutup sampéan)." Hr. Ahmad sareng Abu Dawud, sarta Imam Al-Hakim netepkeun ieu shahih.

وَعَنْ عُمَرَ -مَوْقُوفًا- وعَنْ أَنَسٍ -مَرْفُوعًا-: { إِذَا تَوَضَّأَ أَحَدُكُمْ وَلَبِسَ خُفَّيْهِ فَلْيَمْسَحْ عَلَيْهِمَا, وَلْيُصَلِّ فِيهِمَا, وَلَا يَخْلَعْهُمَا إِنْ شَاءَ إِلَّا مِنْ جَنَابَةٍ" } أَخْرَجَهُ اَلدَّارَقُطْنِيُّ, وَالْحَاكِمُ وَصَحَّحَهُ.

Sumping ti Umar -kalawan mauquf- sareng ti Anas -kalawan marfu’-: "Upama seug salah sawios anjeun wudu teras nganggé dua khuff, mangka ngusap éta dua khuff, teras shalat bari nganggé éta khuff, sareng ulah ngaleupaskeun éta kajabi upami tina kaayaan junub." Hr. Ad-Daraquthni sareng Al-Hakim, anu nyarios yén hadis ieu shahih.

وَعَنْ أَبِي بَكْرَةَ - رضي الله عنه - عَنْ اَلنَّبِيِّ - صلى الله عليه وسلم - { أَنَّهُ رَخَّصَ لِلْمُسَافِرِ ثَلَاثَةَ أَيَّامٍ وَلَيَالِيَهُنَّ, وَلِلْمُقِيمِ يَوْمًا وَلَيْلَةً, إِذَا تَطَهَّرَ فَلَبِسَ خُفَّيْهِ: أَنْ يَمْسَحَ عَلَيْهِمَا } أَخْرَجَهُ اَلدَّارَقُطْنِيُّ, وَصَحَّحَهُ اِبْنُ خُزَيْمَةَ.

Ti Abu Bakrah ra. nyarioskeun yén Nabi Saw. parantos maparin rukhsoh (kaénténgan) pikeun nu musafir, nyaeta tiasa ngusap kana khuff salami tilu dinten katut wengina. Sedengkeun pikeun nu mukim, éta rukhsoh salami sadinten katut wengina, kalayan syarat upama seug jalma éta parantos susuci lajeng nganggé khuffna, tiasa ngusap dua khuff-na éta. Hadis ieu diriwayatkeun ku Ad-Daraquthni sareng disahihkan ku Ibnu Khuzaymah.

وَعَنْ أُبَيِّ بْنِ عِمَارَةَ - رضي الله عنه - أَنَّهُ قَالَ: { يَا رَسُولَ اَللَّهِ أَمْسَحُ عَلَى اَلْخُفَّيْنِ? قَالَ: "نَعَمْ" قَالَ: يَوْمًا? قَالَ: "نَعَمْ", قَالَ: وَيَوْمَيْنِ? قَالَ: "نَعَمْ", قَالَ: وَثَلَاثَةً? قَالَ: "نَعَمْ, وَمَا شِئْتَ" أَخْرَجَهُ أَبُو دَاوُدَ, وَقَالَ: لَيْسَ بِالْقَوِيِّ }

Ti Ubay bin 'Imārah ra., anjeunna nyarios: "Nun Rasulullah, naha sim kuring tiasa ngusap  dua khuff?" Rasulullah Saw. ngawaler: "Leres." Teras Ubay naros deui, "Naha pikeun sadinten?" Rasulullah Saw. ngawaler: "Leres." Ubay naros deui, "Dua dinten?" Rasulullah Saw. ngawaler: "Leres." Ubay naroskeun deui, "Tilu dinten?" Rasulullah Saw. ngawaler: "Leres, kumaha sakarepna salira!." Hr. Abu Dawud, masihan catetan yén sanadna teu kuat.