BAB TAYAMUM

 

بَابُ اَلتَّيَمُّمِ

BAB TAYAMMUM

عَنْ جَابِرِ بْنِ عَبْدِ اَللَّهِ رَضِيَ اَللَّهُ عَنْهُمَا; أَنَّ اَلنَّبِيَّ قَالَ: أُعْطِيتُ خَمْسًا لَمْ يُعْطَهُنَّ أَحَدٌ قَبْلِي: نُصِرْتُ بِالرُّعْبِ مَسِيرَةَ شَهْرٍ, وَجُعِلَتْ لِي اَلْأَرْضُ مَسْجِدًا وَطَهُورًا, فَأَيُّمَا رَجُلٍ أَدْرَكَتْهُ اَلصَّلَاةُ فَلْيُصَلِّ. وَذَكَرَ اَلْحَدِيث َ.

Ti Jabir bin Abdullah ra, anjeunna ngadugikeun yen Nabi Saw ngandika, "Kaula parantos dipaparin lima kaunggulan anu henteu dipasihkeun ka saha waé sateuacan kaula: ¹Kaula ditulungan ku rasa sieun anu diilhamkeun ka musuh-musuh kaula dugi ka jarak sabulan jalan, ²bumi dijantenkeun pikeun kaula salaku masjid (tempat sujud) sareng sarana pikeun susuci. Mangka saha waé anu katempona waktu solat dina hiji tempat, prak anjeunna ngalaksanakeun solat." (al-Hadits).

وَفِي حَدِيثِ حُذَيْفَةَ عِنْدَ مُسْلِمٍ: وَجُعِلَتْ تُرْبَتُهَا لَنَا طَهُورًا, إِذَا لَمْ نَجِدِ اَلْمَاءَ.

Dina hadis anu diriwayatkeun ti Hudzaifah anu aya dina Shahih Muslim, disebatkeun: "Sarta taneuhna dijantenkeun pikeun urang sadaya (umat Islam) salaku sarana bersuci, upama urang sadaya henteu manggihan cai."

وَعَنْ عَلِيٍّ عِنْدَ أَحْمَدَ: وَجُعِلَ اَلتُّرَابُ لِي طَهُورًا.

Sedengkeun dina riwayat ti Ali ra anu aya dina Musnad Ahmad, disebutkeun: "Sarta taneuh parantos dijantenkeun pikeun kaula salaku sarana susuci."

وَعَنْ عَمَّارِ بْنِ يَاسِرٍ رَضِيَ اَللَّهُ عَنْهُمَا قَالَ: بَعَثَنِي اَلنَّبِيُّ فِي حَاجَةٍ, فَأَجْنَبْتُ, فَلَمْ أَجِدِ اَلْمَاءَ, فَتَمَرَّغْتُ فِي اَلصَّعِيدِ كَمَا تَمَرَّغُ اَلدَّابَّةُ, ثُمَّ أَتَيْتُ اَلنَّبِيَّ فَذَكَرْتُ ذَلِكَ لَهُ, فَقَالَ: "إِنَّمَا كَانَ يَكْفِيكَ أَنْ تَقُولَ بِيَدَيْكَ هَكَذَا" ثُمَّ ضَرَبَ بِيَدَيْهِ اَلْأَرْضَ ضَرْبَةً وَاحِدَةً, ثُمَّ مَسَحَ اَلشِّمَالَ عَلَى اَلْيَمِينِ, وَظَاهِرَ كَفَّيْهِ وَوَجْهَهُ. مُتَّفَقٌ عَلَيْهِ, وَاللَّفْظُ لِمُسْلِم ٍ.

Ti Ammaar bin Yaasir ra, anjeunna nyarios: “Kuring kungsi diutus ku Nabi Saw pikeun ngalaksanakeun hiji kaperyogian. Teras kuring janten junub, tapi teu manggihan cai. Kuring teras gulang-guling dina taneuh sapertos sato anu gulang-guling dina taneuh. Satuluyna, kuring dongkap ka Nabi Saw sarta nyarioskeun lampah éta ka anjeunna. Nabi Saw ngandika, 'Sabenerna cukup pikeun anjeun ku cara kieu,' lajeng anjeunna ngagenjatkeun dua panangan kana taneuh sakali, teras ngusapkeun panangan anu kénca ka panangan anu katuhu, ogé ngusapkeun bagéan luar dua panangan sarta rarayna." (Muttafaqun ‘alaih, sareng lafadz ieu kagungan Muslim).

وَفِي رِوَايَةٍ لِلْبُخَارِيِّ: وَضَرَبَ بِكَفَّيْهِ اَلْأَرْضَ, وَنَفَخَ فِيهِمَا, ثُمَّ مَسَحَ بِهِمَا وَجْهَهُ وَكَفَّيْه ِ.

Dina riwayat anu aya dina Shahih Bukhari, disebatkeun: "Anjeunna ngagenjatkeun dua panangan kana taneuh, teras niup kana éta panangan, lajeng ngusapkeun éta panangan kana rarayna sarta kana dua panangananana."

وَعَنِ اِبْنِ عُمَرَ رَضِيَ اَللَّهُ عَنْهُمَا قَالَ: قَالَ رَسُولُ اَللَّهِ: التَّيَمُّمُ ضَرْبَتَانِ ضَرْبَةٌ لِلْوَجْهِ, وَضَرْبَةٌ لِلْيَدَيْنِ إِلَى اَلْمِرْفَقَيْنِ. رَوَاهُ اَلدَّارَقُطْنِيُّ, وَصَحَّحَ اَلْأَئِمَّةُ وَقْفَه ُ.

Ti Ibnu Umar ra, anjeunna sasanggem: "Rosululloh Saw ngandika: 'Tayamum dilakukeun ku dua kali genjatan/ usapan (kana taneuh): hiji genjatan pikeun raray, sarta hiji genjatan pikeun panangan dugi kana siku.'" (Riwayat ad-Daraquthni, sareng para imam ngashahihkeun riwayat anu mauquf ka Ibnu Umar ra).

وَعَنْ أَبِي هُرَيْرَةَ قَالَ: قَالَ رَسُولُ اَللَّهِ: اَلصَّعِيدُ وُضُوءُ اَلْمُسْلِمِ, وَإِنْ لَمْ يَجِدِ اَلْمَاءَ عَشْرَ سِنِينَ, فَإِذَا وَجَدَ اَلْمَاءَ فَلْيَتَّقِ اَللَّهَ, وَلْيُمِسَّهُ بَشَرَتَهُ. رَوَاهُ اَلْبَزَّارُ, وَصَحَّحَهُ اِبْنُ اَلْقَطَّانِ, ولَكِنْ صَوَّبَ اَلدَّارَقُطْنِيُّ إِرْسَالَه ُ. وَلِلتِّرْمِذِيِّ: عَنْ أَبِي ذَرٍّ نَحْوُهُ, وَصَحَّحَه ُ.

Ti Abu Hurairah ra, anjeunna sasanggem: Rosululloh Saw ngandika: "Taneuh (anu suci) mangrupakeun alat wudu kanggo Muslim, sanaos henteu mendakan cai salami sapuluh taun. Namung upami engké mendakan cai, prak taqwa ka Alloh, sarta wudu kalayan ngusap cai kana kulitna." (Riwayat al-Bazzar, sareng disahkeun ku Ibnu al-Qaththan, namung ad-Daraquthni mah nandeskeun riwayat ieu minangka mursal). Dina riwayat anu sanés ti at-Tirmidzi, ti Abu Dzar, sakumaha ieu ogé, sarta anjeunna nyahihkeun hadis éta.

وَعَنْ أَبِي سَعِيدٍ اَلْخُدْرِيِّ قَالَ: خَرَجَ رَجُلَانِ فِي سَفَرٍ, فَحَضَرَتْ اَلصَّلَاةَ -وَلَيْسَ مَعَهُمَا مَاءٌ- فَتَيَمَّمَا صَعِيدًا طَيِّبًا, فَصَلَّيَا, ثُمَّ وَجَدَا اَلْمَاءَ فِي اَلْوَقْتِ. فَأَعَادَ أَحَدُهُمَا اَلصَّلَاةَ وَالْوُضُوءَ, وَلَمْ يُعِدِ اَلْآخَرُ, ثُمَّ أَتَيَا رَسُولَ اَللَّهِ. فَذَكَرَا ذَلِكَ لَهُ, فَقَالَ لِلَّذِي لَمْ يُعِدْ: "أَصَبْتَ اَلسُّنَّةَ وَأَجْزَأَتْكَ صَلَاتُكَ" وَقَالَ لِلْآخَرِ: "لَكَ اَلْأَجْرُ مَرَّتَيْنِ". رَوَاهُ أَبُو دَاوُدَ, والنَّسَائِيّ ُ.

Ti Abu Sa’id al-Khudri ra, anjeunna sasanggem: "Aya dua jalma anu angkat dina safar. Dina hiji waktos, shalat parantos sumping, namung maranéhna teu ngagaduhan cai. Antukna, maranéhna tayamum kalayan ngagunakeun taneuh anu suci, teras ngalaksanakeun shalat. Saparantosna éta, maranéhna mendakan cai dina waktos shalat anu sami. Salah saurangna di antawis maranéhna jantenan deui shalat sareng wudu deui, sedengkeun anu séjén henteu ngulang. Kadua jalma éta teras nyumpingan Rosululloh Saw sareng nyarioskeun paripolah éta. Rosululloh Saw ngadawuh ka anu henteu ngulang: 'Anjeun parantos nuturkeun sunnah sareng shalat anjeun parantos cekap.' Sedengkeun ka anu ngulang, Rosululloh Saw ngadawuh: 'Anjeun bakal meunang pahala dua kali.'" (Riwayat Abu Dawud sareng an-Nasa'i).

وَعَنِ ابْنِ عَبَّاسٍ رَضِيَ اَللَّهُ عَنْهُمَا فِي قَوْلِهِ "وَإِنْ كُنْتُمْ مَرْضَى أَوْ عَلَى سَفَرٍ." قَالَ: "إِذَا كَانَتْ بِالرَّجُلِ اَلْجِرَاحَةُ فِي سَبِيلِ اَللَّهِ وَالْقُرُوحُ, فَيُجْنِبُ, فَيَخَافُ أَنْ يَمُوتَ إِنْ اِغْتَسَلَ: تَيَمَّمَ" . رَوَاهُ اَلدَّارَقُطْنِيُّ مَوْقُوفًا, وَرَفَعَهُ اَلْبَزَّارُ, وَصَحَّحَهُ اِبْنُ خُزَيْمَةَ, وَالْحَاكِم ُ.

Ti Ibnu Abbas ra, dina tafsir dawuhan Alloh Swt: “Sarta lamun maranéh gering atawa dina safar” (QS. An-Nisa: 43), anjeunna sasanggem: “Lamun aya hiji jalma anu tatu di jalan Alloh atanapi awakna keur aya borok, teras anjeunna dina kaayaan junub, tapi upami anjeunna mandi anjeunna sieun bakal maot, mangka anjeunna cekap tayamum.” (Riwayat ad-Daraquthni sacara mauquf, ogé diangkat ku al-Bazzar sacara marfu’, sareng disahkeun ku Ibnu Khuzaimah sareng al-Hakim).

وَعَنْ عَلِيٍّ قَالَ: اِنْكَسَرَتْ إِحْدَى زَنْدَيَّ فَسَأَلَتْ رَسُولَ اَللَّهِ: فَأَمَرَنِي أَنْ أَمْسَحَ عَلَى اَلْجَبَائِرِ. رَوَاهُ اِبْنُ مَاجَه بِسَنَدٍ وَاهٍ جِدًّ ا.

Ti Ali ra, anjeunna sasanggem: "Salah sawios tulang leungeun abdi pernah ruksak (mipir). Ku sabab éta, abdi naros ka Rasulullah Saw. Mangka anjeunna maparin parentah ka abdi sangkan ngusap kana bagéan anu dibalut ku beungkeutan." (Riwayat Ibnu Majah kalayan sanad anu kacida lemahna).

وَعَنْ جَابِرٍ بْنُ عَبْدِ اَللَّهِ رَضِيَ اَللَّهُ عَنْهُمَا فِي اَلرَّجُلِ اَلَّذِي شُجَّ, فَاغْتَسَلَ فَمَاتَ -: "إِنَّمَا كَانَ يَكْفِيهِ أَنْ يَتَيَمَّمَ, وَيَعْصِبَ عَلَى جُرْحِهِ خِرْقَةً, ثُمَّ يَمْسَحَ عَلَيْهَا وَيَغْسِلَ سَائِرَ جَسَدِهِ". رَوَاهُ أَبُو دَاوُدَ بِسَنَدٍ فِيهِ ضَعْفٌ, وَفِيهِ اِخْتِلَافٌ عَلَى رُوَاتِه ِ.

Ti Jabir bin Abdullah ra, dina perkara ngeunaan saurang lalaki anu tatu sirahna dugi ka kulitna sobek, lajeng anjeunna mandi ku ngumbah sakujur awakna (dina kaayaan kudu mandi wajib), dugi ka anjeunna tilar dunya. Rasulullah Saw ngadawuh: "Saéstuna cekap pikeun anjeunna sangkan bertayamum, tuluy ngabebet tatu ku lawon (beungkeutan), terus ngusap lawon éta, sarta ngumbah bagian awak séjénna." (Riwayat Abu Dawud kalayan sanad anu aya kalemahanana, sarta aya béda riwayat di kalangan para rawi hadis ieu).

وَعَنِ ابْنِ عَبَّاسٍ رَضِيَ اَللَّهُ عَنْهُمَا قَالَ: مِنْ اَلسُّنَّةِ أَنْ لَا يُصَلِّيَ اَلرَّجُلُ بِالتَّيَمُّمِ إِلَّا صَلَاةً وَاحِدَةً, ثُمَّ يَتَيَمَّمُ لِلصَّلَاةِ اَلْأُخْرَى. رَوَاهُ اَلدَّارَقُطْنِيُّ بِإِسْنَادٍ ضَعِيفٍ جِدًّ ا.

Ti Ibnu Abbas ra, anjeunna sasanggem: "Di antawis sunnah nyaéta saurang lalaki henteu ngalaksanakeun solat kalawan tayamum, kajaba pikeun hiji solat wungkul. Lajeng anjeunna kedah tayamum deui pikeun solat anu séjén." (Riwayat Ad-Daraquthni kalayan sanad anu pohara lemah). (al-Hafidz Ibnu Hajar al-Asqalaniy, Bulughul Maram) Wallâhu A’lam.